Бийлик бир жылдан бери мал чарбачыларга жеңилдетилген кредиттер жөнүндө айтып келет – бирок акча бере элек

Дүйнөлүк банк Кыргызстанга сүт секторунун өндүрүмдүүлүгүн жогорулатуу үчүн кошумча каражат – 17 млн доллар бөлгөн. Бул тууралуу өкмөт мал чарбачыларга жыл башынан бери айтып келе жатат, бирок акча бере элек.

Финансы мининстрлигинин айтымында, учурда Талас, Нарын жана Ысык-Көл облустарындагы потенциалдуу бенефициарлар – фермерлер менен жолугушуулар өтүп, долбоордун шарттары тууралуу маалымат таратылып жатат.

Ноябрдын башында Финмин Дүйнөлүк банктын делегациясы менен кошумча каржылоо долбоорун ишке ашыруу боюнча жолугушуу өткөргөнүн айткан эле. Ал 2022-жылдын башынан бери ишке ашырылып келет. Бирок мал чарбачыларга ал программа боюнча каражат берилгендиги жөнүндө маалымат чыга элек.

Программанын буга чейинки фазасынын алкагында 2044 фермер Ысык-Көл облусунда сүт өндүрүү боюнча долбоорлорго 2 млн доллардан ашык каражат алган.

Белгилей кетсек, кошумча каржылоонун жарымы грант, калган жарымы 0.75% үстөк жана алты жылдык жеңилдетилген мөөнөт менен 38 жылга берилген кредит.

Программанын алкагында 10 млн доллар микрокредиттердин айлануу фондусу аркылуу фермерлерге 1500 долларга чейинки насыяларды берүүгө багытталат.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Ысык-Көлдө 100гө жакын кызматкер суу тарифтери боюнча талкууга катышты

Куткаруучулар 10 айда 428 адамды өлүмдөн сактап калышты

Малайзияда темир жол тармагында тажрыйба алмашуу маселелери талкууланды

Бишкекте аянты 12 000 чарчы метрди түзгөн спорт академиясы курулууда

Кыргызстан менен АКШнын кызматташуу маселелери сүйлөшүлдү