Чиновниктердин кварталдык сыйлыктары кыскартылат, бирок 13-айлыгы жана эки айлыктык эмгек өргүүсү калат

Минкаб башчысы Акылбек Жапаров кечээ, 24-ноябрда, Жогорку Кеңештин жыйынында кварталдын жыйынтыгы боюнча чиновниктерге берилүүчү сыйлыктар кыскартылганын билдирди.

Ошондой эле министрлер кабинетинин башчысы 2023-жылы мамлекеттик кызматкерлердин маянасын көтөрүү планда жок экенин билдирди.

«Айлыктар көтөрүлгөнгө чейин премиялар эмгек акыны жогорулатуунун бир ыкмасы болчу. Бирок мамлекеттик кызматкерлер муну дагы бир айлык катары көрүшчү. Бирок өзү сыйлык деген жакшы эмгек үчүн гана берилиши керек. Эми мамлекеттик кызматкерлерге жылына 12 маяна, 13-айлык жана эки айлыктын өлчөмүндө эмгек өргүүсү төлөнөт», – деди Акылбек Жапаров.

Эске сала кетсек, Economist.kg буга чейин маалымдагандай, келерки жылы жалпы мамлекеттик кызматтардын бюджеттик чыгашасы 111.2 млрд сомдон ашат. Быйылкы жылга салыштырмалуу чыгымдар 40.1 млрд сомго көбөйөт.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Ысык-Көлдө 100гө жакын кызматкер суу тарифтери боюнча талкууга катышты

Куткаруучулар 10 айда 428 адамды өлүмдөн сактап калышты

Малайзияда темир жол тармагында тажрыйба алмашуу маселелери талкууланды

Бишкекте аянты 12 000 чарчы метрди түзгөн спорт академиясы курулууда

Кыргызстан менен АКШнын кызматташуу маселелери сүйлөшүлдү