«Элсом» китепканачылардын жана кыргыз тилчи мугалимдердин форумуна катышып, колдоо көрсөттү
15-ноябрда Бишкек шаарында кыргыз тил сабагынын мугалимдеринин жана Кыргызстан китепканачыларынын форуму болуп өттү. Форумдун негизги милдети – билим берүү программаларынын алкагында эне тилдин байлыгын жана маанисин кийинки муундарга жеткирүү экендиги айтылды.
Форум ошондой эле мектеп китепканаларын модернизациялоого арналган бир катар илимий-методикалык иш-чаралардын бөлүгү болуп саналат.
Бул форумда ошондой эле Билим берүү жана илим министрлигинин «Жаңы китеп» мекемеси Мектеп китепканачысынын күнүнө карата уюштурулган чыгармачылык сынагынын финалисттерин жана жеңүүчүлөрүн сыйлады. Бул сынактын максаты инновацияларга дем берүү, китепканалардын ишинде инновациялык технологияларды активдүү колдонууга түрткү берүү болду.
“Элсом” электрондук капчыгы иш-чаранын өнөктөшү болуп, бул сынактын финалисттерине жана жеңүүчүлөрүнө баалуу сыйлыктарды тапшырды.
Форумга өлкөнүн бардык аймактарынан 200дөн ашык адам – райондук жана шаардык билим берүү органдарынын, мектеп китепканаларынын өкүлдөрү, коомдук китепканалардын жана эл аралык уюмдардын өкүлдөрү катышты.
