Кепилдик фонду исламдык кепилдик киргизүүгө даяр – азыр банктар менен сүйлөшүп жатат

Кыргызстандын Кепилдик фонду банк тармагындагы исламдык принциптердин негизинде насыя алуучулар үчүн исламдык кепилдиктерди иштеп чыкты. Бул продуктту ишке киргизүү үчүн фонд өз өнөктөш банктарынан оң жооп күтүп жатат.

Бул тууралуу Economist.kg-ге Кепилдик фондунун башкармалыгынын төрагасы Малик-Айдар Абакиров билдирди. Анын айтымында, Кепилдик фонду Кыргызстандын төрт банкы менен карыз алуучуларга исламдык насыяларды берүү үчүн ислам кепилдиктерин колдонууну талкуулоодо.

«Биз исламдык кепилдик инструменттерин киргиздик. Азыр биз ислам принциптерин колдонгон өнөктөш банктарыбыз – «РСК», «Кыргызстан» жана «Бакай» банктарынын [тастыктоосун] күтүп жатабыз. Биз алардын кредит алуучуларынын күрөөсү жетишсиз болсо, кепилдик берүүгө даярбыз», – деди Абакиров.

Ошондой эле, Кепилдик фонду жакынкы аралыкта Венгер-кыргыз өнүктүрүү фонду менен кызматташуу келишимине кол коймокчу.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Ысык-Көлдө 100гө жакын кызматкер суу тарифтери боюнча талкууга катышты

Куткаруучулар 10 айда 428 адамды өлүмдөн сактап калышты

Малайзияда темир жол тармагында тажрыйба алмашуу маселелери талкууланды

Бишкекте аянты 12 000 чарчы метрди түзгөн спорт академиясы курулууда

Кыргызстан менен АКШнын кызматташуу маселелери сүйлөшүлдү