Ош шаарынын мэри Алмаз Мамбетов кызматынан бошотулду
Ош шаарынын мэри Алмаз Мамбетов ээлеген кызматынан бошотулду. Тийиштүү жарлыкка президент Садыр Жапаров кол койгонун өлкө башчынын маалымат кызматы билдирди.
Эске сала кетсек, Мамбетов Ош шаарынын мэри болуп былтыр август айында дайындалган. Ал 2014-2019-жылдары Балыкчы шаарынын мэри болуп, анын ортосунда Мамкаттоону жетектеп, ал жактан кыргыз паспортторун сатуу жана мыйзамсыз берүү жаңжалынан улам кызматтан алынган.
Economist.kg мурда билдиргендей, Башкы прокуратура Алмаз Мамбетовго карата «Кызматтык абалынан кыянаттык менен пайдалануу» беренеси боюнча төрт кылмыш ишин иликтеп жатат. Бул иштер ал Балыкчы шаарынын мэри болуп турганда козголгон.
