Сауд Арабиясынын ири компаниялары Кыргызстанга инвестиция салууга даяр

Сауд Арабиянын ири компаниялары Кыргызстанга инвестиция салууга даяр. Бул тууралуу кечээ, 28-ноябрда, кабмин башчысы Акылбек Жапаров менен Сауд Арабиясынын инвестиция министринин орун басары Бадр Аль-Бадрдын жолугушуусунун жыйынтыгында маалым болгонун басма сөз кызматы билдирди.

Жолугушууда Жапаров эки өлкөнүн ишкерлеринин ортосунда инвестициялык кызматташтыкты өнүктүрүү жана бизнес өнөктөштүктү күчөтүү зарыл экенин айтып, дүйнөлүк рынокто сауд компаниялардын тажрыйбасын белгилеп, Кыргызстандагы долбоорлорго активдүү катышууга чакырды.

«Кыргызстан Сауд Арабиясынын ири компанияларын соода, инвестиция, айыл чарба, энергетика, илим жана билим берүү, туризм жана маданият, ошондой эле халал индустриясы тармагындагы долбоорлорго тартууга кызыкдар», – деди минкаб башчысы.

Өз кезегинде Бадр Аль-Бадр делегация мүчөлөрүн, ар түрдүү тармактардагы, анын ичинде айыл чарба, фармацевтика, энергетика, туризм жана башка тармактардагы алдыңкы сауд компанияларынын жетекчилерин тааныштырып, эки тарапты кызыктырган бардык тармактарда кызматташууну арттырууга толук даяр экендигин билдирди.

Эки жак көп тараптуу кызматташтыктын алкагында кызматташууну активдүү баштоону макулдашты.

«Сөздөн ишке өтчү мезгил келди, эки тараптуу мамилелерди өнүктүрүүдө чукул өзгөрүш жасообуз керек. Кыргыз тарап бардык багыттар боюнча ар түрдүү колдоо көрсөтүүгө, ошондой эле мамлекеттик кепилдиктерди берүүгө даяр», – деп Жапаров сөзүн жыйынтыктады.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Ысык-Көлдө 100гө жакын кызматкер суу тарифтери боюнча талкууга катышты

Куткаруучулар 10 айда 428 адамды өлүмдөн сактап калышты

Малайзияда темир жол тармагында тажрыйба алмашуу маселелери талкууланды

Бишкекте аянты 12 000 чарчы метрди түзгөн спорт академиясы курулууда

Кыргызстан менен АКШнын кызматташуу маселелери сүйлөшүлдү