«Сколково» Кыргызстандагы ишкерлерге технологияларды алып келүүгө кызыкдар
Россиянын «Сколково» инновациялык борбору Кыргызстандын бизнесин технологиялык чечимдер менен камсыз кылууга жана өз резиденттерине Кыргызстанда долбоорлорду ишке ашырууга жардам берүүгө даяр.
Бул тууралуу «Сколково» борборунун делегациясы Орус-кыргыз өнүктүрүү фондунун жана Кыргызпатенттин өкүлдөрү менен жолугушууда билдирди, деп маалымдайт ОКӨФ.
«Сколково» Кыргызстандын аймагындагы долбоорлор үчүн технологиялык чечимдерди жеткирүүгө жана өз резиденттерине жергиликтүү компаниялар менен өнөктөштүктү сунуштоого кызыкдар», — деп айтылат билдирүүдө.
Мындан тышкары, эки тарап саламаттыкты сактоо жана билим берүү үчүн технологияларды алып келүү, ошондой эле Ысык-Көлдө туризм тармагын өнүктүрүү боюнча кызматташууну талкуулашты.
