Айыл чарба министрлиги өлкөдөн жер семирткичтерди экспорттоого тыюу салууну сунуштайт

Бактынур Абдиева

30 нояб. 2022 20:22

Айыл чарба министрлиги Кыргызстандан минералдык жер семирткичтерди экспорттоого тыюу салууну сунуштады. Анын максаты – 2023-жылдын жер айдоо мезгилине чейин өлкөнүн дыйкандарына запастарды жеткирүү.

Минералдык жер семирткичтерди Евразия экономикалык биримдигинин (ЕАЭБ) бажы аймагынан тышкары ташып чыгууга тыюу салынат, деп айтылат минкабдын сайтында. Бирок, мыйзам долбоорунун маалымдама-негиздемесинде ал көбүнчө Тажикстанга жер семирткичтерди реэкспорттоо каналдарына бөгөт коюуну көздөйт экени белгиленген.

Кыргызстандын түштүк аймактарында талаа жумуштарынын башталышы менен Тажикстанга реэкспорттолушунан улам жер семирткичтердин тартыштыгы келип чыгат. Тажикстанда жазгы талаа иштери Кыргызстанга караганда эртерээк башталгандыктан жана коңшу республикада минералдык жер семирткичтерге болгон суроо-талаптан жана баасынын кымбаттыгынан пайдаланып, алып-сатарлар жер семирткичтерди жер-жерлерден сатып алып, өлкөнүн чегинен тышкары кайра сатышат.

2023-жылы Кыргызстанда эгин айдоо аянты 1 млн 232 миң гектарды түзөт. Бул быйылкы жылга салыштырмалуу 5.8 миң гектарга көп. Республиканын келерки сезондо минералдык жер семирткичтерге болгон муктаждыгы дээрлик эки миң тоннага — 286 миң тоннага чейин көбөйөт, — деп негиздеме актында айтылган.

Кыргызстанда минералдык жер семирткичтерди өндүрүү жок. Алардын көбү – 100 миң тоннага чейин – Өзбекстандан ташылып келет. Кыргызстанга импорттолгон жалпы жер семирткичтердин дагы 30-35%ы Россия жана Казакстандан келет.

Айыл чарба министрлигинин божомолу боюнча газ жана мунай продуктыларына баалардын өсүшүнө байланыштуу 2023-жылы Россия, Өзбекстан, Казакстан жана Түркмөнстандагы заводдордо минералдык жер семирткичтерди өндүрүүнүн өздүк наркы жогорулайт. Бул дыйкандарды ого бетер күч келтирет.

Айыл чарба министрлиги алты айга жер семирткичтерди экспорттоого тыюу салууну сунуштоодо. Минералдык эмес жер семирткичтер, ошондой эле Кыргызстан аркылуу өткөн транзиттик ташуулар эсептелбейт.

Мындан тышкары окуңуз

Өзбекстандан алынып келинген пияз өлкө аймагына киргизилген жок

“Достук” карантиндик фитосанитардык көзөмөл өткөрүү пунктунда Өзбекстандан импорттолуп келе жаткан 24 770 кг пияз өлкөгө киргизилген жок. Бул тууралуу Айыл чарба министрлигинен билдиришти. Маалыматка ылайык, текшерүүнүн жүрүшүндө продукциянын таңгагында Евразия экономикалык бирлигинин фитосанитардык талаптарына ылайык милдеттүү маркировкалоо белгилери жок экендиги аныкталды. Мыйзам талаптарына ылайык жүктү Кыргызстандын аймагына киргизүүгө уруксат берилбей,

Баткендин Жаңы-Достук айылына 197 млн сомго мектеп курулууда

Курулуш, архитектура жана турак жай-коммуналдык чарба министрлиги тарабынан Баткен районунун Жаңы-Достук айылында 225 орундуу жаңы мектеп курулууда. Курулуш, архитектура жана турак жай-коммуналдык чарба министрлигинин маалыматына ылайык, объекттин курулушу республикалык бюджеттин эсебинен каржыланып, жалпы наркы 197 миллион сомду түзөт. Курулуш иштери 2025-жылдын декабрь айында башталган. Бүгүнкү күндө

5-августта Бишкектин айрым аймактарында электр энергиясы өчүрүлөт

“Бишкек электр тармактары” ишканасы 5-августта борбор калаанын бир катар аймактарында электр тармактарынын ишенимдүүлүгүн жогорулатуу максатында оңдоо жана техникалык иштер жүргүзүлөрүн билдирди. Ушуга байланыштуу төмөнкү даректерде электр энергиясы убактылуу өчүрүлөт. Чыгыш РЭС: - 09:30–17:30 – Огонбаев көчөсү, №222 үй; - 09:30–12:00 – Кара-Жыгач конушу (Оберон, Кереге-Таш,

Бишкек мэри жол курулуштарын текшерип, подрядчыларга эскертүү берди

Бишкек шаарынын мэри Айбек Джунушалиев көчмө жыйындын алкагында борбор калаада реконструкцияланып жана капиталдык оңдолуп жаткан жол курулуш объектилерин жеринде текшерди. Муниципалитеттен билдиришкендей, калаа башчысы Миңжылкыев, Муромская, Санжыра, Ала-Арча, Проектируемая, Жайыл баатыр, Безымянная, Семетей, Жеңиштин 50 жылдыгы, Мамбет Иманалиев, Эркин жана Элебесов көчөлөрүндө жүргүзүлүп жаткан иштердин сапаты жана аткаруу темпи