Кыргызстандык ишкерлер Google, Apple жана PayPal компанияларынын АКШдагы кеңселерине барып келишти
23-ноябрда кыргызстандык ишкерлер АКШга болгон бизнес турунун алкагында Кремний өрөөнүндөгү инновация жана технология тармагындагы эң таасирдүү жана дүйнөлүк лидер эсептелген компаниялардын башкы кеңселерине барышты. Бул тууралуу Кыргызстандагы Америкалык соода палатасынан (AmCham) билдиришти.
Google программалык инженери Нурбек Сакиев делегацияга Кремний өрөөнүнүн аймагындагы Калифорния штатынын Маунтин-Вью шаарындагы Google компаниясынын башкы кеңсеси менен тааныштырды. Ал компания тууралуу жана өз тажрыйбасы жөнүндө айтып берди. Google технология дүйнөсүндөгү эң креативдүү, стилдүү жана адаттан тыш кеңселердин бирин жараткан.
PayPal программалык боюнча инженери Жанара Ибрагимова эң ири дебеттик электрондук төлөм системасы деп эсептелген PayPal HQ боюнча экскурсия өткөрдү. PayPal 325 млн активдүү колдонуучуларды тейлейт. Компания 202 өлкө жана дүйнөнүн 25 негизги валютасында көрсөтүлгөн глобалдык платформа түзө алган, бул соодагерлерге төлөмдөрдү 100дөн ашык дүйнөлүк валюта менен алууга мүмкүндүк берет.
Иш сапардын алкагында делегация ошондой эле Apple кампусунун архитектуралык уландысы болгон Apple Park коноктор борборуна барышты. Делегаттар андагы инновациялар менен таанышып, дүйнөдөгү эң чоң табигый вентиляциясы бар имарат кантип иштээрин, ошондой эле борбордо орнотулган эң ири күн электр станциясын көрүштү.
