Улуттук банктын божомолу боюнча 2023-жылы 413.5 млрд сомго чейин сатып алуулар карталар аркылуу жүрөт
Келерки жылы төлөм карталары аркылуу 413.5 млрд сомдук транзакциялар жүргүзүлөт. Төлөм системасын өнүктүрүүнүн жаңы стратегиясында мындай божомолдорду Улуттук банк келтирди.
Улуттук банк 2023-жылы төлөм карталарын колдонуу менен 92.8 млн транзакция ишке ашат деп болжолдоодо. Бир адамга карта аркылуу операциялардын орточо көлөмү 90.8 миң сомду түзөт.
Ошол эле учурда электрондук капчыктарды колдонгондор жалпы суммасы 88.5 млрд сомго 32.7 млн транзакция жасай алышат. Бирок, акыркы жылдардагы тажрыйба көрсөткөндөй, иш жүзүндөгү жыйынтыктар Улуттук банк күткөндөн да ашып түшүп жатат.
