Жол эрежесин бузуу үчүн айып төлөө мөөнөтү 15 күндөн 30 күнгө чейин узартылат
ИИМ жол эрежесин бузуу үчүн арзандатылган айып пул төлөөнүн мөөнөтүн 15 күндөн 30 күнгө чейин узартууну сунуштоодо. Жогорку Кеңештин Мыйзамдуулук, укук тартиби, кылмыштуулук жана коррупцияга каршы күрөшүү боюнча комитетинин отурумунун жыйынтыгын депутат Дастан Бекешев билдирди.
Мындан тышкары, укук коргоо органдары мас абалында унаа айдагандар үчүн жазаны катаалдатып, өмүр бою айдоочулук күбөлүгүнөн ажыратуу сунушталган.
«Бирок мен буга макул болгон жокмун, болбосо, көбү күбөлүгү жок унаа айдай башташат, а бул өтө кооптуу. Буга [демилгечилер] да макул оюн айтышты», – деп баса белгиледи парламентарий.
Бирок жөнөкөй жарандар жол эрежесин бузууларды каттоого жардам берип, айып пулдун 10% өлчөмүн сыйлык катары алышсын деген идеяны ИИМ өкүлдөрү колдошкон жок.
