Дем берүүчү гранттардын эсебинен 560 млн сомго 287 долбоор каржыланды - эң көп Жалал-Абадга бөлүнгөн
2022-жылга “дем берүүчү гранттар” беренеси боюнча республикалык бюджеттен 560.6 млн сомго 287 долбоор каржыланды. Бул тууралуу Финансы министрлиги билдирди.
Жергиликтүү өз алдынча башкаруу органдарынын инфраструктуралык объектилерин (социалдык объектилер: мектептер, бала бакчалар, медициналык мекемелер ж.б.) жакшыртуу максатында 2022-жылга “дем берүүчү гранттар” беренеси боюнча республикалык бюджеттен 600.0 млн сом каралган.
2022-жылы ишке ашырууга 297 долбоор бекитилген.
Жергиликтүү өз алдынча башкаруу органдарын каржылоого берилген арыздар боюнча 2022-жылдын 11 айында “дем берүүчү гранттар” беренеси боюнча республикалык бюджеттен 560.6 млн сомго 287 долбоор каржыланган, анын ичинен 148 объекти бүткөрүлгөн.
Дем берүүчү (үлүштүк) гранттар – жергиликтүү бюджеттердин үлүштүк катышуусу менен долбоордук-сынактын негизинде жергиликтүү өз алдынча башкаруунун аткаруу органдарына КРнын социалдык-экономикалык өнүгүү программаларын ишке ашыруу үчүн республикалык бюджеттен берилүүчү каражаттар.
