«Кыргызиндустрия» ААК зергерчилик заводун түзүүнү көздөөдө
«Кыргызиндустрия» ААК Кыргызстанда мамлекеттик монета сарайын жана зергерчилик заводун түзүү долбоорун баштады. Бул тууралуу компаниянын билдирүүсүндө айтылат.
Долбоорду «Кыргыззергер.кей джи зет» ЖЧК туунду компаниясынын базасында ишке ашыруу пландалууда.
«Кыргызиндустриянын» маалыматына таянсак, Кыргызстан жылына 20 тоннага жакын алтын өндүрөт жана өндүрүү боюнча да КМШда төртүнчү, дүйнөдө 28-орунда турат. Бирок алтынды кайра иштетүү деңгээли боюнча (зергер буюмдарды, куймаларды, ордендерди, медалдарды, монеталарды өндүрүү) аябай эле төмөнкү көрсөткүчтөрдү берет.
«Долбоорду ишке ашыруунун алкагында стратегиялык чөйрө, тобокелдиктерди, потенциалдарды жана мүмкүнчүлүктөрдү баалоо, 600дөн ашык жумушчу орундарын түзүү жана ченемдик-укуктук колдоо керек», – деп айтылат билдирүүдө.
Компания бул долбоорго байланыштуу башка маалыматтарды азырынча жарыялай элек.
