Баткен жана Оштогу куралдуу кагылышууда жабыркагандардын 333 кредити жоюлду
Баткен жана Ош областтарындагы куралдуу кагылышууда жабыркаган карыз алуучуларга көмөк көрсөтүү боюнча көрүлүп жаткан чаралардын негизинде 333 кредит жоюлган. Бул тууралуу Улуттук банк билдирди.
Улуттук банктын берген маалыматына таянсак, 2022-жылдын 8-декабрына карата финансы-кредит уюмдарына (ФКУ) 476 карыз алуучу кайрылган, алардын ичинен 24 716 миң сом суммасында 333 кредит жоюлган, 53 491 миң сом суммасында 202 кредит реструктуризацияланган.
“Азыркы тапта, ФКУ жабыркаган карыз алуучулардан келип жаткан бардык арыздарды карап жатат, алар банк мыйзамдарына ылайык тиешелүү чараларды көрүшөт”, – деп айтылат маалыматта.
