«Бир айыл – бир азык» долбоорунун алкагында Бишкекте Улуттук бренд сынагы өтөт

Назира Абдиева

14 дек. 2022 20:28

Бишкекте, 16-декабрда, саат 9:30да Hyatt Regency Bishkek мейманканасында үч жылдан бери биринчи жолу КРнын Экономика жана коммерция министрлиги Япониянын Эл аралык кызматташтык агенттиги (JICA) менен биргеликте “Улуттук бренд таймашы Бир айыл – бир азык 2022” деп аталган сынакты өткөрөт.

Экономика министрлигинин берген маалыматына таянсак, иш-чарага министр Данияр Амангельдиев, чет өлкөлөрдүн КРдагы элчилери катышышат.

Эскерте кетсек, буга чейин долбоордун алкагында Ысык-Көл, Нарын, Талас, Ош, Жалал-Абад жана Баткен облустарында жергиликтүү чийки заттан жасалган уникалдуу продукцияны иштеп чыгуу жана сатуу боюнча аймактык платформалар/бренддик комитеттер түзүлгөн. 2019-жылдын март айында долбоор ар бир региондон тандалып алынган бренддик продукцияларды чогултуп, жалпы улуттук товар конкурсун өткөргөн болчу (Биринчи Улуттук Бренд конкурсу 2019). Бирок кийинки жылдары COVID-19 кырдаалына байланыштуу токтоп калган.

Долбоор JICA жана КРнын Экономика министрлиги менен биргеликте ишке ашырылып келет.

Долбоор ата мекендик ишкерлерге жалаң жергиликтүү ресурстардын эсебинен сапаттуу сертификацияланган продукцияны өндүрүүгө жардам берет. Долбоорлордун алкагында бал, табигый ширелер жана кыямдар, кийизден жасалган буюмдар ж.б.у.с товарлар чыгарылып, учурда Япония, Россия, Кытай, АКШ жана Европа өлкөлөрүнө экспорттолуп келет.

Мындан тышкары окуңуз

Кыргызстанда 476 миңден ашуун адам жөлөк пул алат

Республика боюнча 476 миңден ашык жаран жөлөк пул жана компенсация менен камсыз болууда. Бул тууралуу Эмгек министринин биринчи орун басары Камчыбек Досматов Пекинде өтүп жаткан Жакырчылыкты кыскартуу жана өнүгүү боюнча Глобалдык форумда билдирди. Анын айтымында, учурда өлкөдө 1,5 миллионго жакын адам социалдык кызматтарды пайдаланат. Ошондой эле 590 миңден ашуун

Өсүмдүктөрдүн карантин лабораториялары 4 айда 1,3 млн сом тапты

Быйылкы жылдын алгачкы төрт айында өсүмдүктөрдүн карантини боюнча лабораторияларга жалпы 7965 үлгү түшүп, 18 848 экспертиза жүргүзүлдү. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти. Маалыматка ылайык, лабораторияларга импорттук продукциялардан 5559, экспорттук продукциялардан 1767 үлгү кабыл алынган. Мындан тышкары, изилдөө иштеринен 379 жана жарандардын кайрылуулары

Кыргызстан эл аралык издөөдөгү жаранды Францияга өткөрүп берди

Башкы прокуратуранын маалыматына ылайык, экстрадиция Бириккен Улуттар Уюмунун Трансулуттук уюшкан кылмыштуулукка каршы конвенциясынын алкагында жана эл аралык милдеттенмелердин негизинде ишке ашырылды. Франциянын компетенттүү органдарынын маалыматы боюнча, аталган жаран кылмыштуу топтун курамында чет өлкөлүк жарандардын Францияга жана Шенген аймагындагы айрым мамлекеттерге мыйзамсыз кирүүсүнө көмөктөшүүгө шектелүүдө. Экстрадиция Башкы прокуратура менен Интерполдун Кыргызстандагы

Айтматов райондук электр тармагы 47 жылдан кийин жаңыланууда

Талас электр тармактар ишканасына караштуу Айтматов райондук электр тармагынын административдик имараты капиталдык оңдоодон өткөрүлүп жатат. Бул тууралуу Энергетика министрлигинен билдиришти. Маалыматка ылайык, учурда оңдоо иштеринин 60 пайызы аяктады. Имарат заманбап стилде жаңыланып, ички жана тышкы бөлүктөрү толук оңдолууда. Капиталдык оңдоонун алкагында чатыр алмаштырылып, эшик-терезелер жаңыртылып, инженердик коммуникациялар, жылытуу жана электр