Жазгы талаа жумуштарына дизель отуну 65 сомдон дыйкандарга бериле баштады
Жазгы талаа жумуштарына 3 млн литр дизель отуну 65 сомдон дыйкандарга бериле баштады. Бул тууралуу Айыл чарба министрлиги билдирди.
Жазгы-талаа иштерин жүргүзүүгө республика боюнча жалпы 42.1 миң тонна күйүүчү-май (КММ) материалы керектелсе, нефтебазаларда жана автомай куючу жайларда 25 миң тонна дизелдик отун, 20 миң тонна автобензин бар экенин министрлик маалымдады.
“Мамлекеттик материалдык резервдер фонду тарабынан Red Petroleum компаниясынын ортосунда дизелдик отун сатып алуу боюнча келишимдин негизинде квота райондорго бөлүштүрүлүп, жазгы талаа жумуштарына 3 млн литр дизель отуну 65 сомдон дыйкандарга бериле баштады”, – деп айтылат маалыматта.
КММ алуу үчүн дыйкандар жергиликтүү айыл өкмөттөргө кайрылуусу зарыл.
