АКШ Кыргызстандан кийин санкциялык тизмеге Казакстандын компаниясын киргизди

АКШ Кыргызстандан кийин санкциялык тизмеге Казакстандын компаниясын киргизди

АКШнын Финансы министрлигине караштуу Чет элдик активдерди көзөмөлдөө бюросу (OFAC) Россия менен Түндүк Кореянын курал-жарак жеткирүү жаатындагы келишимдерге көмөктөшкөн Россия, Казакстан жана Словакиянын компанияларына каршы санкцияларды киргизди. Бул тууралуу АКШнын Финансы министрлиги билдирди.

Агенттиктин маалыматына караганда, санкциялык тизмеге россиялык "Верус" компаниясы, казакстандык Defence Ingeneering жана словакиялык "Версор" кирген. Бул уюмдардын жетекчиси Словакиянын жараны Ашот Мкртычев болуп саналат, ага каршы Вашингтон 2023-жылдын мартында санкцияларды киргизген.

"Бул чаралар Россиянын Украинага каршы ырайымсыз согушуна колдоо көрсөтүүнү көздөгөн үчүнчү өлкөлөрдүн аракеттерин аныктоо, ашкерелөө жана жокко чыгаруу боюнча АКШнын стратегиясынын бир бөлүгү болуп саналат. Россия Федерациясы согуш талаасында ок-дарыларын жана оор техникаларын жоготууну улантып жаткандыктан, өлкө барган сайын күчтөнүүдө. Согушту улантуу үчүн өзүнүн бир нече өнөктөштөрүнө, анын ичинде КЭДРге кайрылууга", - деп айтылат OFAC пресс-релизинде.

АКШнын Финансы министрлиги белгилегендей, Мкрычев Түндүк Кореянын жана Россиянын расмий өкүлдөрү менен сүйлөшүүлөрдүн жүрүшүндө Россияга чийки зат менен товарлардын ордуна курал-жарактын жана ок-дарылардын жыйырмадан ашык түрүн берүүнү уюштурууну пландаган.

"Бул адам ишке ашырууга аракет кылгандай схемалар Путин Иран жана Түндүк Корея сыяктуу акыркы жеткирүүчүлөргө кайрылып жатканын көрсөтүп турат", - деп айтылат АКШнын министрлигинин мурунку билдирүүсүндө.

OFAC санкциялары, адатта, АКШнын юрисдикциясындагы активдерди тоңдурууну билдирет.

Эске салсак, буга чейин АКШ Кыргызстандык төрт компанияга Россияга санкцияланган товарларды жеткиргени үчүн санкция киргизген. Кийинчерээк америкалык сенатор Боб Менендес Кыргызстандын президенти Садыр Жапаровго кайрылып, Россияга санкциялардан качууга жардам берүүнү токтотууну өтүнгөн.

АКШ төрт кыргызстандык компанияга санкция киргизди – алар 2022-жылы негизделген
АКШ Кыргызстанда жайгашкан төрт компанияга санкция киргизди. Бул тууралуу маалымат АКШнын Каржы министрлигинин чет элдик активдерди көзөмөлдөө боюнча башкармалыгынын сайтында жайгаштырылган. Такталгандай, Кыргызстанда жайгашкан компаниялар Россия Украинага толук масштабдуу кол салууну баштагандан б…

Read more

«Альянс Алтын» өнүктүрүү фонду спорт тармагына 41.5 млн сом жумшады

«Альянс Алтын» өнүктүрүү фонду спорт тармагына 41.5 млн сом жумшады

«Альянс Алтын» өнүктүрүү фонду 2016-жылдан бери Талас облусунда дене тарбия жана спортту колдоого багытталган 98 долбоор үчүн 41.5 млн сом жумшаса, акыркы бир жыл аралыгында 8.7 млн сом каражат жумшалып 12 долбоор ишке ашкан. Бул тууралуу «Альянс Алтын» тоо кен ишканасы билдирди. Алардын бири, 2024-жылдын 24-июлунда «Альянс Алтын»

«Альянс Алтын» Олимпиадага бара турган Талас облусунан чыккан спортчуларга колдоо көрсөттү

«Альянс Алтын» Олимпиадага бара турган Талас облусунан чыккан спортчуларга колдоо көрсөттү

«Альянс Алтын» компаниясы Талас облусунан чыккан 2024-жылы Париждеги Олимпиада оюндары менен Дүйнө чемпионатына бара турган Кыргызстандын курамасынын мүчөлөрүнө колдоо көрсөттү. Бул тууралуу ишкананын маалымат кызматы билдирди. Чоң мелдешке жолдомо алган спортчуларга 100 миң сомдон акчалай сыйлык жана спорттук кийим тапшырылды. Олимп оюндарына жолдомо алган Мээрим Жуманазарова, Айпери Медет кызы, Үзүр

«Альянс Алтын» май айында бюджетке рекорддук суммадагы салык төлөдү

«Альянс Алтын» май айында бюджетке рекорддук суммадагы салык төлөдү

2015-жылдан 2024-жылдын май айына чейин «Альянс Алтын» компаниясы Кыргызстандын бюджетине 18.6 млрд сом салык төлөдү. Алардын ичинен 2024-жылдын май айында 927.4 млн сом төлөнүп, бул акыркы үч жыл ичиндеги айларга салыштырмалуу эң чоң салык төлөмү болду. Мындан тышкары, 2021-жылдын апрелинен 2024-жылдын май айына чейин компания «Жергиликтүү маанидеги инфраструктураны

«Алтын тамга» артыкчылык аттестат ээлерине «Альянс Алтын» ноутбук тапшырды

«Алтын тамга» артыкчылык аттестат ээлерине «Альянс Алтын» ноутбук тапшырды

«Альянс Алтын», 30-майда президенттин Талас облусундагы ыйгарым укуктуу өкүлчүлүгүндө 2023-2024-окуу жылынын жыйынтыгы менен облус аймагында «Алтын тамга» артыкчылык аттестаттына ээ болгон окуучулар сыйлоо аземи болуп өттү. Бул тууралуу «Альянс Алтын» ишканасынын маалымат кызматы билдирди. Такталгандай, президенттин Талас облусундагы ыйгарым укуктуу өкүлү Нурлан Дарданов, «Альянс Алтын» өнүктүрүү фондунун жетекчиси Баатыр Качкынбаевдин