Виртуалдык активдер тууралуу мыйзамга өзгөртүү жана толуктоолор сунушталат

Президентке караштуу Виртуалдык активдер жана блокчейн-технологияларды өнүктүрүү боюнча Улуттук кеңеш  менен Экономика министрлиги биргелешип виртуалдык активдер тууралуу КРнын мыйзамына өзгөртүү жана толуктоолорду даярдашты.

 Аталган кеңештин катчылыгынын жетекчиси Фархат Иминовдун айтымында - түзөтүүлөр стейблкоин жана ошондой эле токиндерди реалдуу активдер менен камсыздап, юридикалык аныктамасын бекемдөөгө багытталат.  Ошондой эле сунушталган өзгөртүүлөр "мамлекеттик криптовалюта резервдери" жана "мамлекеттик майнинг" түшүнүктөрүнө да тиешелүү болмочу.   

Ачык-айкындуулукту жана натыйжалуулукту жогорулатуу максатында президент жана министрлер кабинети тарабынан аныкталган органдардын ортосунда ыйгарым укуктарды бөлүштүрүү дагы сунушталууда.