"Жыргалаң" шахтасынын беш лоту аукционго коюлду
"Жыргалаң" шахтасы ААК мүлктөрдү сатуу боюнча ачык аукцион жарыялады. Соодага Ак-Суу районунда жайгашкан жер тилкелери жана курулушу бар участокту камтыган беш лот коюлганын компаниянын атайын администратору билдирди.
Аукционго коюлган лоттор:
- №1-лот — аянты 1 миң чарчы метр болгон жер тилкеси, баштапкы баасы 5,3 миллион сом;
- №2-лот — аянты 1 миң чарчы метр, курулушу бар жер тилкеси, баштапкы баасы 6,74 миллион сом;
- №3-лот — аянты 1 миң чарчы метр болгон жер тилкеси, баштапкы баасы 5,15 миллион сом;
- №4-лот — аянты 1 миң чарчы метр болгон жер тилкеси, баштапкы баасы 5,15 миллион сом;
- №5-лот — аянты 3 миң чарчы метр болгон жер тилкеси, баштапкы баасы 7,1 миллион сом.
Аукционго 50 миң сом өлчөмүндө кепилдик төлөмүн төлөгөн жеке жана юридикалык жактар катыша алышат. Арыздар 2026-жылдын 21-январына чейин кабыл алынат.
