Кытай соода балансынын профицити 2025-жылы 1,2 трлн долларга жетти

Ишкер Media

15 янв. 2026 08:47

2025-жылы Кытай соода балансынын профицити боюнча рекорд койду. Экспорт менен импорттун ортосундагы айырма 1,2 триллион долларды түзүп, бул дүйнөлүк тарыхтагы эң чоң көрсөткүч болду.

Кытайдын Бажы башкармалыгынын маалыматына ылайык, декабрь айында товарлардын экспорту өткөн жылдын ушул мезгилине салыштырмалуу 6,6%га өстү. Бул көрсөткүч аналитиктер күткөн деңгээлден жана ноябрь айындагы өсүштөн да жогору болду. Ошол эле учурда импорт да 5,7%га көбөйүп, ички суроо-талаптын жанданып жатканын көрсөттү.

Адистердин айтымында, 2025-жылы Кытайдын соода профицити 2024-жылга салыштырмалуу 20%га көп болду. Бул өсүш негизинен экспорттун АКШ рыногунан Азиянын, Африканын жана Латын Америкасынын өнүгүп жаткан өлкөлөрүнө багытталышынын эсебинен камсыздалды.

Өсүшкө жогорку технологиялуу товарлар чоң салым кошкон. Электромобилдердин, литий батареяларынын жана күн панелдеринин экспорту 27%га, ал эми өнөр жай жабдуулары менен роботтордун экспорту 13%га өскөн.

Бирок соода профицитинин мындай чоң көлөмү Кытай менен башка өлкөлөрдүн ортосундагы соода жаңжалдарын күчөтүүдө. Көптөгөн соода өнөктөштөрү Кытайды адилетсиз атаандаштыкта жана ашыкча өндүрүштө айыпташууда. Аналитиктердин пикиринде, 2026-жылы башка өлкөлөр өз рынокторун активдүү коргой баштагандыктан, Кытайга мындай жогорку экспорттук өсүштү сактап калуу кыйын болот.

Мындан тышкары окуңуз

Чүйдө 31 жаңы социалдык объект курулуп, 36 объектке капиталдык оңдоо жүргүзүлөт

Президент тарабынан Чүй облусуна бөлүнгөн 10 млрд сомдун эсебинен аймакта 31 жаңы социалдык объект курулуп, 36 объектке капиталдык оңдоо жүргүзүлөрүн президенттин Чүй облусундагы өкүлү Азамат Осмонов “Кабар” маалымат агенттигине билдирди. “Президент Садыр Жапаров Чүй облусуна өзгөчө көңүл буруп, 10 млрд сом бөлүү тууралуу чечим кабыл алды. Бул - жөн гана

Кыргызстанда 2024-жылга караганда былтыр кант өндүрүү 523 млн сомго көп болду

Кыргызстанда кант өндүрүшү 2025-жылдын жыйынтыгы боюнча жылдык өсүштү көрсөткөнү расмий статистикалык маалыматтарда айтылат. 2025-жылы кант өндүрүшүнүн көлөмү учурдагы баалар менен эсептегенде 4 млрд 632,6 млн сомду түзүп, 2024-жылдагы 4 млрд 109,3 млн сомдук көрсөткүчтөн кыйла жогору болду. Физикалык көлөмдүн индекси 172,1% түздү, ал эми 2024-жылы бул көрсөткүч

Чүйдө дыйкан-фермерлерге арзан күйүүчү май берилип жатат

Чүй облусу боюнча быйылкы жылдагы жазгы-талаа иштерин жүргүзүүгө 12 миң 130 тонна дизель, 3 миң 32 тонна бензин керектелерин Чүй облусундагы өткөн жылдын жыйынтыгын чыгарып, 2026-жылга коюлган пландарды тактоо боюнча коллегиянын отурумунда маалымдалды. Белгиленгендей, учурда Нефтетрейдерлер ассоциациясынын берген маалыматы боюнча, нефтебазаларда жана май куюучу жайларда дизель жана бензин жетиштүү көлөмдө

Оштогу №5 мектепке 750 орундуу жаңы корпус курулат

Президент Садыр Жапаровдун тапшырмасына ылайык, Курулуш министрлиги тарабынан Ош шаарындагы №5 Жоомарт Бөкөнбаев мектебине 750 орундуу кошумча корпус курулат. Бул тууралуу Курулуш министрлигинен билдиришти. Долбоор боюнча жаңы билим уясы 6 блоктон турган 3 кабаттуу имарат болуп салынат. Анда заманбап үлгүдөгү окуу класстар, китепкана, компьютердик класс, лаборатория, жыйындар залы, эмгек класстары