The Washington Post басма үйү башкага сатылабы?

Ишкер Media

The Washington Post басма үйү башкага сатылабы?

The Washington Post (WP) гезитинин башкы аткаруучу директору Уилл Льюис кызматтан кетти. Февраль айынын башында эле басылма кызматкерлерди массалык түрдө кыскартуу пландары тууралуу жарыялаган болчу.

Учурда башкы директордун милдеттерин убактылуу гезиттин каржы директору Джефф Д’Онофрио аткарат.

Гезиттин ээси, миллиардер Джефф Безос жетекчиликтин алмашуусуна байланыштуу комментарий берип, Д’Онофрио басылманы "жаңы, кызыктуу баскычка" алып чыга ала турганын билдирди. Ал эми кызматкерлерди массалык түрдө кыскартуу тууралуу маалыматка комментарий берген жок.

WPнин кызматкерлеринин профсоюзу X социалдык тармагында Уилл Льюистин отставкасы көптөн бери күтүлүп келгенин жазды. "Анын мурасы улуу америкалык журналисттик институтту кыйратууга жасалган аракет катары эсте калат... Джефф Безос бардык кыскартууларды дароо токтотушу же гезитти анын келечегине инвестиция салууга даяр адамга сатып жибериши керек", — деп айтылат билдирүүдө.

4-февралда Reuters, The New York Times (NYT) жана башка ЖМКлар WPнин жетекчилиги 300гө жакын журналистти жумуштан бошотконун билдиришкен. Кыскартууларга эл аралык бөлүм туш болгон. Спорт жана китеп бөлүмдөрү, ошондой эле күн сайын чыгуучу Post Reports подкасты жабылат. NYTнин жазышынча, жумуштан бошотуулар жазылуучулардын санынын азайышы жана киреше маселелери менен байланыштуу болгон.

Жаңылыктар биздин Телеграмм каналда

Мындан тышкары окуңуз

Кыргызстанда чакан жана орто бизнеске 6%дык жеңилдетилген насыялар берилет

Кыргызстанда чакан жана орто бизнеске 6%дык жеңилдетилген насыялар берилет

Экономика жана коммерция министрлигинин бизнес чөйрөсүнүн саясаты башкармалыгынын башчысы Аким Насиров бүгүн чакан жана орто бизнести колдоо программасы тууралуу маалымат берди. Министрликтин маалыматына ылайык, учурда өлкөдө: * 20 миңден ашык чакан жана орто ишкана, * 496 миңге жакын жеке ишкер иш алып барууда. Чакан жана орто бизнестин үлүшү ИДПны 51,7%ды
Кытай бензин экспортун убактылуу токтотууну буйруду

Кытай бензин экспортун убактылуу токтотууну буйруду

Кытай бийлиги жергиликтүү мунай иштетүүчү заводдордон автомобилдик бензин жана дизелдик күйүүчү майды экспорттоону убактылуу токтотууну талап кылганын Bloomberg агенттиги жагдайдан кабардар булактарга таянып билдирди. Маалыматка караганда, Пекиндин мындай чечими Жакынкы Чыгыштан чийки мунай жеткирүүдөгү үзгүлтүктөргө байланыштуу кабыл алынган. Бул көйгөйлөр Ирандагы согуштук кырдаалдан улам пайда болгон. Кытай бийлиги бензин менен
Оштогу суу коргоо зонасындагы мыйзамсыз курулуштар буздурулууда

Оштогу суу коргоо зонасындагы мыйзамсыз курулуштар буздурулууда

Курулуш, архитектура жана турак жай-коммуналдык чарба министрлигине караштуу Мамлекеттик архитектура-курулуш контролдоо департаментинин Ош региондук башкармалыгы тарабынан Ноокат районунун Кулатов айыл аймагындагы Абыш-Сай тилкесинде жайгашкан курулуш объектилерине текшерүү жүргүзүлдү. Бул тууралуу Курулуш министрлигинен билдиришти. Текшерүүнүн жүрүшүндө К.А.К. аттуу жаранга тиешелүү 78 гектар жер аянтында курулган кичи жана капиталдык объектилер
Араванда жазгы талаа иштерине даярдык боюнча кеңешме өттү

Араванда жазгы талаа иштерине даярдык боюнча кеңешме өттү

Араван райондук мамлекеттик администрациясында айыл чарба тармагына арналган кеңешме жыйыны болуп өттү. Жыйынга Суу ресурстары, айыл чарба жана кайра иштетүү өнөр жайы министри Эрлист Акунбеков жана Президенттин Ош облусундагы ыйгарым укуктуу өкүлү Аманкан Кенжебаев катышты. Бул тууралуу Айыл чарба министрлигинен билдиришти. Жыйында район аймагындагы жазгы талаа иштерине даярдык маселеси каралып,