Кытайда эми чет өлкөлүктөр онлайн катталса болот

Мелис Совет уулу

25 мар. 2026 09:36

ТИМ Кытайдын Миграция иштери боюнча мамлекеттик башкармалыгы мейманканалардан тышкары жайгашкан чет өлкөлүк жарандарды онлайн каттоо боюнча пилоттук долбоорду ишке киргизгенин билдирет.

Ведомствонун маалыматында белгиленгендей, бул система чет өлкөлүк жарандар үчүн ыңгайлуулукту жогорулатуу жана административдик жол-жоболорду жөнөкөйлөтүү максатында, 20-марттан тартып, Кытайдын Хэбэй, Ляонин, Чжэцзян, Хубэй, Сычуань провинцияларында, ошондой эле Гуанси-Чжуан автономиялуу районунда жана Чунцин шаарында ишке ашырылып жатат. Келечекте бул практиканы өлкөнүн бардык аймагына жайылтуу пландалууда.

Кытайдын колдонуудагы мыйзамдарына ылайык, мейманканаларда жашаган чет өлкөлүк жарандар мейманкананын администрациясы тарабынан катталууга тийиш, андан кийин маалыматтар коомдук коопсуздук органдарына берилет. Эгерде мейманканадан тышкары жерде жашаса, чет өлкөлүк жаран же кабыл алуучу тарап 24 сааттын ичинде иш жүзүндө жашаган жери боюнча катталууга милдеттүү.

Тышкы иштер министрлигинен маалымдашкандай, жарандар каттоону онлайн форматта Кытайдын миграция кызматынын "移民局 12367" мобилдик колдонмосу аркылуу, ошондой эле "WeChat" жана "Alipay" системаларындагы мини-программалар аркылуу жүргүзүүгө болот. Мында коомдук коопсуздук органдарына жеке кайрылуу аркылуу маалыматтарды салттуу тартипте берүү мүмкүнчүлүгү сакталат. Онлайн-каттоо жеке кайрылуу аркылуу жүргүзүлгөн каттоо менен тең укуктук күчкө ээ.

Тышкы саясий ведомство Кытайдын аймагында жүргөн Кыргызстандын жарандарына жашаган жерин каттоо боюнча белгиленген талаптарды кылдаттык менен сактоону сунуштайт. Суроолор же кыйынчылыктар пайда болгон учурда, Кыргызстандын Кытайдагы элчилигинин ыкчам байланыш телефонуна кайрылуу зарыл:

13001904346;
+996 508 888 213 (WhatsApp).

Мындан тышкары окуңуз

Кудрет Тайчабаров соттун чечими менен үй камагына чыкты

“Бишкек” ЭЭАсынын мурдагы директору Кудрет Тайчабаров Бишкектин Ленин райондук сотунун чечими менен бүгүн үй камагына чыкканын анын жакындары жана адвокаты Памир Суранбаев билдирген. ИИМ 2025-жылдын ноябрь айында Тайчабаровду уюшкан кылмыштуу топтор жана мүчөлөрү менен байланышта болгон деген негизде кармаган. Ага Кылмыш-жаза кодексинин 261-беренесинин (Уюшкан топко катышуу) 2-бөлүмү менен айып тагылган.

Орусиянын жаранынан 9 млн рубль алган милиция кызматкерлери кармалды

ИИМдин Баңгизаттарды мыйзамсыз жүгүртүүгө каршы күрөшүү кызматынын П.М. аттуу бөлүм башчысы жана А.А. аттуу ыкчам кызматкери кармалды. Бул тууралуу УКМКдан маалымдашты. Маалымтка ылайык, кылмышка шектүүлөр Орусиянын жаранынан баңгизаттарды мыйзамсыз жүгүртүү боюнча иште жазаны жеңилдетүүгө көмөк көрсөтүү үчүн 9 млн рубль акча талап кылышкан. Кармалгандар жашыруун аракеттенүү жана түз

Кара-Балтада заманбап технология менен таштанды полигонун куруу пландалууда

Чүй облусунун Кара-Балта шаарында жапондордун «Фукуока» технологиясын колдонуу менен заманбап таштанды полигонун куруу боюнча пилоттук долбоорду ишке ашыруу пландалууда. Бул тууралуу Жаратылыш ресурстары, экология жана техникалык көзөмөл министрлиги билдирди. Маалыматка таянсак, долбоор экологиялык жүктөмдү кескин азайтууга жана таштандыларды башкаруунун заманбап стандарттарына өтүүгө багытталган. Азия өнүктүрүү банкынын жана Жапон фондунун өкүлдөрү

Барскоон – Бедел унаа жолунда 50дөн ашык көпүрө, 2 тоннель курулат

Барскоон – Бедел унаа жолун куруу боюнча геодезиялык жана инженердик-геологиялык изилдөөлөр толук аяктаганын Транспорт жана коммуникациялар министрлигинен билдиришти. Долбоордун алкагында унаа жолунан тышкары, 50дөн ашык көпүрө, 2 тоннель, ошондой эле коргоочу жана кошумча инженердик курулмаларды куруу каралган. * №1 тоннель (Сөөк) – жалпы узундугу 5 340 метр; * №2 тоннель (Ашуу-Суу) – жалпы узундугу 3