Казакстан 2027-жылы 99 млн тоннага жакын мунай өндүрүүнү пландаштырууда

Казакстан 2027-жылы болжол менен 99 млн тонна мунай өндүрүүнү көздөп жатат. Бул тууралуу өлкөнүн энергетика министри Ерлан Аккенженов билдиргенин ТАСС агенттиги жазып чыкты.

Министрдин айтымында, 2026-жылы мунай өндүрүү көлөмү 96 млн тонна болот деп күтүлүүдө. Учурда кийинки жылга карата өндүрүштүн көлөмү такталып жатат.

Буга чейин Казакстандын Энергетика министрлиги 2026-жылга карата мунай өндүрүү планына өзгөртүү киргизген. Буга Теңиз кениндеги өндүрүштүк үзгүлтүк жана Каспий куур консорциумунун инфраструктурасына жасалган чабуулдар себеп болгон.

Белгилей кетсек, Казакстанда 2025-жылы 99,55 млн тонна мунай өндүрүлгөн.