Нарын шаары менен Могилев шаары кызматташат
КРнын Нарын шаары Беларусь Республикасынын Могилев шаары менен 3 жылдык программа менен кызматташат. Бул тууралуу 11-ноябрда Нарын шаардык мэриясынан маалымдашты.
Билдирүүдө айтылгандай, шаарлар экономика, соода, маданият, билим берүү жана туризм тармактарында кызматташат.
Эки шаардын ортосунда 2027-2029-жылдарга карата кызматташуу боюнча атайын достук мамиленин алкагында жол картага кол коюлду.
Нарын шаарынын мэринин орун басары Элмира Турганбаева 2008-жылы түзүлгөн Достук келишимин жандандыруу менен атайын жол картанынын негизинде иш алып баруу кызыкчылыгын белгиледи.
Могилев - Беларусь өлкөсүнүн чыгышындагы ири тарыхый жана маданий шаар. Ал Днепр дарыясынын жээгинде жайгашкан жана Могилев облусунун административдик борбору болуп саналат. Шаар Беларустагы эң ири өнөр жай борборлорунун бири.
Күндүн негизги жаңылыктары — Telegram каналыбызда
Каналга катталуу
