Бактыбек Калмаматов Президенттикке талапкерлигин көрсөттү
11-ноябрда Бактыбек Калмаматов Президенттик шайлоого талапкерлигин көрсөтүү жөнүндө арыз менен КРнын Борбордук шайлоо комиссиясына кайрылды. Бул тууралуу БШКдан маалымдады.
Билдирүүгө караганда, Президенттик шайлоодо талапкерлерди көрсөтүү мөөнөтү 2026-жылдын 13-ноябрына чейин белгиленген.
Калмаматов V чакырылыштын Жогорку Кеңештин депутаты болгон.
БШКнын маалыматына ылайык, бүгүнкүгө карата президенттик шайлоого талапкерлигин көрсөтүү боюнча жалпы 7 жарандан арыз келип түштү.
Алар: Аймен Касенов, Азамат Эсенбеков, Сыймык Жапыкеев жана Акай Кадыров, Исхак Масалиев жана Садыр Жапаров, Бактыбек Калмаматов.
Белгилей кетсек, өлкөдө президенттик шайлоо 2027-жылдын 27-январында өтөт. Учурда өздөрүн талапкерликке көрсөткөндөрдү колдоо этабы "Түндүк" тиркемеси аркылуу жүрүүдө.
Күндүн негизги жаңылыктары — Telegram каналыбызда
Каналга катталуу
