Кытайда эл аралык логистикалык конференция өттү
КРнын Соода-өнөр жай палатасынын Кытайдагы өкүлү Эдилбек Эргешов "Логистикалык жабдуулар жана технологиялар экосистемасы – 2026" эл аралык конференциясына катышты. Бул тууралуу мекеменин басма сөз кызматынан кабарлашты.
Иш-чаранын жүрүшүндө Кытайдын алдыңкы транспорттук-логистикалык компаниялары кампаларды автоматташтыруу, роботтоштуруу, айдоочусуз электр транспортун колдонуу жана логистикалык процесстерди санариптештирүү боюнча заманбап чечимдерин тааныштырышты.
Маалым болгондой, анда мындай технологияларды киргизүү жеткирүү чыгымдарын 50%га чейин кыскартууга мүмкүндүк берери белгиленди.



Конференцияга катышуу Кытайдын алдыңкы тажрыйбасын өздөштүрүү, кыргыз-кытай ишкердик кызматташтыгын кеңейтүү жана Кыргызстандын транспорттук-логистикалык инфраструктурасын өнүктүрүү үчүн жаңы мүмкүнчүлүктөрдү изилдөө максатын көздөдү.
Күндүн негизги жаңылыктары — Telegram каналыбызда
Каналга катталуу