Садыр Жапаров Абу-Даби өнүктүрүү фондунун жетекчилиги менен жолугушту

Садыр Жапаров Абу-Даби өнүктүрүү фондунун жетекчилиги менен жолугушту

Президент Садыр Жапаров Дубайда (Бириккен Араб Эмираттары) өткөрүлүп жаткан Дүйнөлүк Өкмөттөр Саммитинин алкагында Абу-Даби өнүктүрүү фондунун башкы директору Мухаммад Саиф Аль Сувэйди менен жолугушту. Бул тууралуу президенттин маалымат кызматы билдирди.

Анда ири инфраструктуралык, инвестициялык жана социалдык долбоорлорду ишке ашыруу боюнча кызматташууну мындан ары тереңдетүүнүн актуалдуу маселелери боюнча пикир алмашуу болду.

Мамлекет башчысы Кыргызстан менен Абу-Даби өнүктүрүү фондунун ортосундагы өз ара аракеттенүүнүн ырааттуулугун канааттануу менен белгилеп, эки өлкө президенттеринин сүйлөшүүлөрүнүн жыйынтыгы боюнча түзүлгөн Биргелешкен холдинг компаниясы каржылаган долбоорлорду тез арада ишке киргизүүгө кызыкдар экендигин билдирди.

Өз кезегинде Мухаммад Саиф Аль Сувэйди Фонддун ишмердүүлүгүнө колдоо көрсөткөндүгү үчүн ыраазычылыгын айтып, белгиленген пландарга жетүү үчүн бардык күч-аракеттерди жумшоо ниетин билдирди жана Кыргызстан менен өз ара пайдалуу кызматташуунун потенциалы жетишилген макулдашуулардан алда канча жогорулаганын кошумчалады.

Аягында президент Садыр Жапаров өткөрүлгөн жолугушууга канааттангандыгын билдирип, өз ара кызыкчылык туудурган маселелер боюнча эки тараптуу кызматташууну кеңейтүүнү сунуштады.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Саясат

Акыркы жаңылыктар

Баары

Эмгек акы кайсы тармактарда кыйла жогорулаган?

Ысык-Көлдөн дагы 500 метрлик мыйзамсыз торлор алынды

Кызыл-Кыяда 100 чакырым электр чубалгылары, 73 көмөк чордон оңдолду

Манас шаарында 375 орундуу мектептин курулушу аяктады

Афганистандан келген 22,5 тонна бадыраң өлкөгө киргизилген жок