Саясат

Кыргызстан менен Пакистан соттолгондор боюнча маанилүү макулдашууну ишке киргизди

Айгерим Качкынбекова

14 июля 2026 14:15

Кыргызстан менен Пакистандын ортосунда соттолгон адамдарды өткөрүп берүү жөнүндө макулдашуу күчүнө кирди. Эми эки өлкөнүн жарандары белгиленген тартипте жазасын өз мекенинде өтөө үчүн кайрылууга мүмкүнчүлүк алышат.

Башкы прокуратуранын маалыматына ылайык, документке 2025-жылдын 4-декабрында Исламабад шаарында президент Садыр Жапаровдун Пакистанга болгон расмий сапарынын алкагында кол коюлган.

Макулдашуу соттолгон адамдарды алардын жарандыгы болгон мамлекетке өткөрүп берүү аркылуу жаза мөөнөтүнүн калган бөлүгүн өз мекенинде өтөөсүнө укуктук негиз түзөт. Бул алардын укуктарын коргоого, үй-бүлөлүк жана социалдык байланыштарын сактоого, ошондой эле коомго кайра интеграцияланышына көмөктөшүүгө багытталган.

Учурда Кыргызстандын жаза аткаруу мекемелеринде Пакистандын 18 жараны жазасын өтөп жатат. Макулдашуу күчүнө киргенден кийин алар белгиленген тартипте жаза мөөнөтүнүн калган бөлүгүн өз өлкөсүндө өтөө үчүн өткөрүп берүү тууралуу өтүнүч менен кайрыла алышат. Ар бир кайрылуу макулдашуунун жоболоруна жана эки өлкөнүн улуттук мыйзамдарына ылайык өзүнчө каралат.

Маалыматка ылайык, макулдашуунун долбоорун иштеп чыгуу, Пакистан тарап менен сүйлөшүүлөрдү жүргүзүү жана аны күчүнө киргизүү боюнча мамлекеттик ички жол-жоболорду координациялоо прокуратура тарабынан жүргүзүлгөн.

Мындан тышкары окуңуз

Министрлик: Тарых музейинин эки кабаты Кытайга берилгени тууралуу маалымат жалган

Желеде Улуттук тарых музейинин 4-5-кабаттары Кытай тарапка өткөрүлүп берилгени тууралуу тараган маалыматтын чындыкка дал келбесин Маданият, маалымат жана жаштар саясаты министрлиги билдирди. Министрликтин маалыматына караганда, музейдин эч бир бөлүгү чет өлкөлүк мекемелерге менчикке, ижарага же туруктуу пайдаланууга берилген эмес. Белгилегендей, “Гармония сулуулукту жаратат: Байыркы Кытай цивилизациясынын көркөм өнөр

Кызыл-Кыяда курулуш талаптарын бузган жеке ишкерге чара көрүлдү

Баткен облусунун Кызыл-Кыя шаарында жеке менчик жер тилкесинде салынып жаткан эки кабаттуу соода борборунун курулушунда мыйзам бузуулар аныкталды. Бул тууралуу Курулуш, архитектура жана турак жай-коммуналдык чарба министрлигинин басма сөз кызматы билдирди. Маалыматка ылайык, Кулатов көчөсүндө жайгашкан объекттеги иштер тиешелүү уруксат берүүчү жана долбоордук документтер таризделбестен жүргүзүлгөн. Жер казууда

Тоголок Молдо көчөсүнүн бир бөлүгү унаа кыймылы үчүн жабылат

Бишкекте 11-августта Тоголок Молдо көчөсүнүн Фрунзе көчөсүнөн Абдымомунов көчөсүнө чейинки бөлүгү унаа кыймылы үчүн убактылуу жабылат. Калаа мэриясынын билдиришкендей, аталган тилкеде бул убакта курулуш иштери жүргүзүлөт. Ал эми Фрунзе жана Панфилов көчөлөрүнүн кесилиши кайрадан унаалар үчүн ачылат. Мэрия айдоочуларды жол кыймылындагы убактылуу өзгөрүүлөрдү эске алып, жол белгилеринин талаптарын так

Ошто 13,5 млн еврого эне-балага арналган медициналык борбор курулуп жатат

Ош шаарында эне-бала саламаттыгын коргоого багытталган Перинаталдык борбордун курулушу башталды. Бул тууралуу Саламаттык сактоо министрлигинин басма сөз кызматы билдирди. Маалыматка ылайык, долбоор Германиянын өнүктүрүү банкынын (KfW) 13,5 млн евро өлчөмүндөгү гранттык каражатынын эсебинен ишке ашырылууда. Аталган борбор 249 орунга ылайыкталып, кош бойлуу аялдарга, төрөттөн кийинки энелерге жана ымыркайларга