Кыргызстандын мамлекеттик карызы 5.2 млрд доллар – бул ИДПнын 60%ын түзөт
Кыргызстандын мамлекеттик карызы бүгүнкү күндө 5.2 млрд долларды түздү, бул ИДПнын 60%ын түзөт. Бул тууралуу бүгүн, 14-сентябрда Инстаграмда түз эфирде Финансы министринин орун басары Руслан Татиков билдирди.
Анын айтымында, тышкы карыз 4.2 млрд долларды (ИДПга карата 50%) түзсө, ички карыз 1 млрд долларды (ИДПга карата 10%) түздү.
«Карыздын негизги бөлүгүн Кыргызстандын Кытайга болгон карызы ээлейт, бул 42%ды түзөт. Негизги кредит берүүчүлөрдү карасак, алар Эл аралык валюта фонду, Дүйнөлүк банк жана Азия өнүктүрүү банкы. Өлкөлөр арасында Япония дагы негизги кредитор болуп саналат», – деди Татиков.
