Быйыл эң көп алкоголдук ичимдиктер менен тамеки кымбаттады 17% - максималдуу өсүү Нарында байкалды

Үстүбүздөгү жылдын январь-сентябрында (өткөн жылдын декабрына салыштырмалуу) керектөө бааларынын жана тарифтердин өсүшү жалпысынан республика боюнча 10.6%ды түздү. Бул тууралуу Улутстаткомдун маалыматында айтылат.

Муну менен бирге алкоголдук ичимдиктерге жана тамекиге болгон баалар 17%га, тамак-аш азыктарына жана алкоголсуз суусундуктарга болгон баа 12.4%га, азык-түлүк эмес товарларга баалар 7.6%га, калкка көрсөтүлүүчү кызматтардын тарифтери 6.6%га өстү.

Үстүбүздөгү жылдын январь-сентябрында өткөн жылдын декабрына салыштырмалуу керектөө бааларынын жана тарифтердин жогорулашы республиканын бардык аймактарында белгиленди. Муну менен бирге баалардын (15%) максималдуу өсүшү Нарын облусунда белгиленди.

“Буга себеп, башка аймактарга салыштырмалуу алкоголдук суусундуктар жана тамеки заттарга болгон баалардын өсүшү (41.3%) болду”, – дейт Улутстатком.