Кыргызстандагы чакан жана орто бизнестин ИДПдагы үлүшү 42.8%ды түзөт

2022-жылдын 1-январына карата КРда 17 миңден ашык чакан жана орто ишканалар иштеп жатканы такталган. Мындай маалыматты Улуттук статистикалык комитет билдирди.

Мекеменин маалыматы боюнча, Кыргызстанда 430 миңден ашык жеке ишкер жана 467 миңден ашуун дыйкан чарбалары бар.

2021-жылы дыйкан чарбаларды кошпогондо чакан жана орто ишканаларда иштегендердин саны 523 миңге жакын адамды же экономикада иштегендердин жалпы санынын 20.5%ын түзөт.

Чакан жана орто ишканалар (ЧОИ) тарабынан өндүрүлгөн дүң кошумча нарктын көлөмү 309.5 млрд сомду же ИДПнын 42.8%ын түздү.