Кыргызстандын тышкы карызы өсүүдө - учурда 5 млрд 218 млн долларга жетти

2022-жылдын 30-сентябрына карата КРнын мамлекеттик карызынын көлөмү (тышкы + ички) 5 млрд 218 млн долларын (418 млрд 384 млн сом) түздү. 

Финансы министрлиги берген маалыматка таянсак, карыздар томөндөгүдөй:

• 79.8% мамлекеттик тышкы карыз – 4 млрд 162 млн доллар (333 млрд 769 млн сом)
• 20.2% мамлекеттик ички карыз – 1 млрд 28 млн доллар (84 млрд 615 млн сом). 

2022-жылдын январь-октябрь айларында КРнын мамлекеттик карызын тейлөөгө (тышкы + ички) республикалык бюджеттен иш жүзүндө 28 млрд 854 млн сом өлчөмүндө каражат бөлүндү.

Алар:

• мамлекеттик тышкы карыз боюнча – 19 млр 511 млн сом
• мамлекеттик ички карыз боюнча – 9 млрд 343 млн.

Улутсаткомдун берген маалыматын карасак, Кыргызстандын тышкы карызы беш жыл катары менен көбөйүүдө. 2021-жылдын жыйынтыгы боюнча анын көлөмү 5 млрд 150 млн долларды (436 млрд 587 млн сом) түзгөн.