Кыргызстанда көмүскө экономиканын расмий эсептелген көлөмү 21% түздү
Кыргызстанда өндүрүш тарабынан бааланган байкоо жүргүзүлбөгөн (жашыруун жана формалдуу эмес) экономиканын көлөмү 2021-жылы 155 млрд сомду же ИДПга карата 21%ды түздү. Мындай маалыматты Улутстатком жүргүзгөн талдоолоруна таянып билдирди.
2021-жылы байкоо жүргүзүлбөгөн экономиканын ИДПга карата үлүшү мурунку жылга салыштырмалуу 0.2%дык пунктка жогорулаган. Бул чекене соода, мейманканалар жана ресторандар, ошондой эле иштетүү өндүрүшү тармактарындагы үлүштѳрдүн жогорулашы менен шартталган.
Байкоо жүргүзүлбөгөн экономиканын үлүшү
(ИДПга карата пайыз менен)
2021-жылы байкоо жүргүзүлбөгөн экономиканын үлүшү 2017-жылга салыштырмалуу 2.6%дык пунктка төмөндөгөн, бул анын дүң жана чекене соода тармагынын үлүшүнүн (3%дык пунктка) кыскарышы менен шартталганын Улутстатком билдирди.
Экономикалык ишмердиктин түрлөрү боюнча байкоо жүргүзүлбөгөн экономика*
(ИДПга карата пайыз менен)
