Кыргызстандын өнөр жайы 14.3% өстү – бул ЕАЭБ өлкөлөрүнүн ичиндеги эң жакшы көрсөткүч

2022-жылы Кыргызстандын өнөр жай өндүрүшү 14.3%га өстү. Бул тууралуу министрлер кабинетинин төрагасынын биринчи орун басары Адылбек Касымалиев билдирди.

Касымалиев ЕАЭБ өнөктөш өлкөлөрүнүн арасындагы өндүрүштүн көлөмүн салыштырды. Алсак, Арменияда өнөр жай өндүрүшү 9.9%, Казакстанда 1.4%, Россияда 0.1% өскөн. Белоруссияда 5.9%га төмөндөө байкалган.

Белгилей кетсек, ЕАЭБтин өнөр жай өндүрүшүнүн көлөмү 2022-жылдын январь-октябрь айларында 1.3 трлн долларды түзгөн.

Эскерте кетсек, Кыргызстанда январь-ноябрь айларында өнөр жай өндүрүшүнүн көлөмү Кумтөрдүн эсебинен өткөн жылдын ушул мезгилине салыштырмалуу 14%га өсүп, 383 млрд 209 млн сомду түздү.

Кумтөр кенин иштетүүнү эсепке албаганда, өнөр жай өндүрүшүнүн көлөмү 226.1 млрд сом деңгээлинде гана катталып, өсүү темпи 3.9%ды гана түзгөн.

Өнөр жай продукцияларынын көлөмү 2022-жылдын январь-ноябрында 383 млрд сомдон ашты.