Комбанктар уставдык капиталын 2026-жылга карата 1 млрд сомго чейин көбөйтүүгө милдеттендирилет

2026-жылга чейин бардык коммерциялык банктар уставдык капиталын кеминде 1 млрд сомго чейин көбөйтүүсү керек. Мындай токтом долбоорун Улуттук банк коомдук талкууга чыгарды.

Долбоордо чет элдик банктар уставдык капиталын 1 млрд сомго, чоң банктар 2 млрд сомго чейин көбөйтүүгө милдеттендирилери айтылат.

Капиталды көтөрүү эки этап менен ишке ашат:

• 2024-жылдын 1-июлуна чейин – 800 млн сом
• 2026-жылдын 1-июлуна чейин – 1 млрд.

Эске салсак, азыркы мыйзамдарга ылайык, уставдык капиталдын минималдуу өлчөмү 600 млн сом деп белгиленген.