Үч жылдын ичинде комбанктардын депозиттик базасы 173.3 млрд сомго көбөйдү

2022-жылдын ноябрь айынын аягында коммерциялык банктардын депозиттик базасы 327 млрд сомдон ашты. Улуттук банктын маалыматы боюнча, 2020-жылдын башынан бери ал 173.3 млрд сомго өскөн.

Отчеттук мезгилде чет өлкө валютасындагы депозиттер дээрлик үч эсеге өстү: 2020-жылдын январындагы 59.1 млрд сом болсо, 2022-жылдын ноябрында ал 153.8 млрд сомго чейин жетти.

Улуттук валютадагы депозиттер дээрлик эки эсеге – 99.7 млрд сомдон 173.1 млрд сомго чейин өстү.

Сомдук салымдардын пайыздык чендери дээрлик өзгөргөн жок жана ал орточо 5.7% деңгээлинде калган. Чет өлкө валютасындагы депозиттердин орточо пайыздык чендери 1.1%дан 0.6%га чейин төмөндөгөн.