Эки жылдан кийин Кыргызстанда ар бир төртүнчү жумуртка өлкө ичинде чыгарылат
2025-жылы Кыргызстанда ар бир төртүнчү тоок жумурткасы ата-мекендик фермаларда өндүрүлөт. Чүй облусунун Ысык-Ата районунда бакма канаттуулар фермасынын ишке кириши мындай көрсөткүчкө жетишүүгө мүмкүндүк берет. Бул тууралуу Орус-кыргыз өнүктүрүү фонду (ОКӨФ) билдирди.
Чүй облусунун Ысык-Ата районундагы жаңы бакма канаттуулар фермасы эки жылдын ичинде жумуртканын санын 132 миңге жеткирип, ошону менен жыл сайын 40 млн даана жумуртка өндүрөт. Бул Кыргызстандын азык-түлүк коопсуздугун бул көрсөткүч боюнча 26%га чейин көтөрөт.
«Бул канаттуулар фермасын ишке киргизүү менен Кыргызстандын жумуртка импортуна болгон көз карандылыгы 7%га кыскарат. Бүгүнкү күндө өлкөдө тооктун жумурткасы боюнча азык-түлүк коопсуздугу 19%га жабылды», — деди ОКӨФ башкармалыгынын төрагасы Артем Новиков.
Кошумчалай кетсек, «Жар-птица» чарбасы Чүй облусунда канаттуулар фермасын курган. Бирок аны ишке киргизүү жана тоют базасын алуу үчүн чарба фондго жардам сурап кайрылган. Бул долбоордун баасы 1.2 млн долларды түзөт.
