Экономика

ЖКнын комитети 2024-жылга республикалык бюджет жөнүндө мыйзам долбоорун карады

Сапар Акунбеков

23 окт. 2023 14:35

Жогорку Кеңештин агрардык саясат, суу ресурстары, экология жана регионалдык өнүктүрүү боюнча комитетинин отурумунда «КРнын 2024-жылга жана 2025–2026-жылдардын пландык мезгилине республикалык бюджети жөнүндө» мыйзам долбоору каралды.

Жыйында баяндама жасаган Финансы министри Алмаз Бакетаев фискалдык саясаттын негизги багыттарына токтолду. Ал белгилегендей, мамлекеттик инвестициялардын гранттарын эске алуу менен мамлекеттик бюджеттин кирешелеринин жалпы көлөмү 2024-жылга 413 млрд сом суммасында же ИДПга карата 32.8% деңгээлинде болжолдонууда. 2025–2026-жылдар мезгилинде мамлекеттик инвестициялардын гранттарын эске алуу менен мамлекеттик бюджеттин кирешелеринин жалпы көлөмү тийиштүү түрдө 461.2 млрд сомду жана 512.8 млрд сомду түзөт.

Бакетаев билдиргендей, Айыл чарба министрлигине 2024-жылы 13 млрд сом бөлүү каралган, бул былтыркы жылга салыштырмалуу 5.1 млрд сомго көп. Ирригация тармагына келерки жылы 1 млрд сом каралса, инвестицияларды тартуу менен суу чарба тармагын жакшыртууга, суу ресурстарына 7.1 млрд сом пландалууда. Ошондой эле, финансы министрлиги 2024-жылы жеңилдетилген айыл чарба багытындагы насыяларга 4 млрд сом пландаган.

Талкууда депутат Алишер Эрбаев социалдык тармакка, жөлөк пул менен пенсияларга келе жаткан жылда каралган каражатарды, ошондой эле тышкы карыздарды төлөөгө багытталган финансыны тактады. Финансы министри жаңы жылда социалдык тармакка жалпы 167 млрд сом, ал эми 67.9 млрд сом каражат мамлекеттик карызды төлөөгө каралганын айтты.

Мындан тышкары окуңуз

Бишкекте курулуштагы мыйзам бузуу үчүн 200 миң сом айып салынды

Курулуш, архитектура жана турак жай-коммуналдык чарба министрлигине караштуу Мамлекеттик архитектура-курулуш контролдоо департаменти Бишкек шаарынын Жусуп Мамай көчөсү, 4 дарегинде жайгашкан 20 кабаттуу турак жай комплексинин курулушунда текшерүү жүргүздү. Министрликтин маалыматына ылайык, текшерүүнүн жүрүшүндө казылган жердин (котловандын) капталдарын бекемдөөчү тирөөч конструкцияларды орнотууда коопсуздук талаптары толук сакталбаганы аныкталган. Ошондой эле

Гүлдөн той жасалгасына чейин: бир эмгеги 90 миң сом киреше алып келген декоратор айым

Даярын сатып алуунун ордуна жаңы жасалгаларды ойлоп таап, башкалардан айырмаланган эмгектери менен декор тармагына өзгөчө өңүт алып келген баткендик айым бүгүн бул өнөрүн туруктуу бизнеске айландырган. Алсак, той мезгилинде бир буйрутмадан 80-90 миң сом таза киреше табат. Гүл жасоодон баштап, чоң тойлорду жасалгалоого чейин өздөштүргөн Сүйдүмкан Талантбек кызы бизге

BAKAI шаардык чөйрөгө инвестиция салууда: "Бишкекжашылчарба" жана "Тазалык" ишканаларын колдоо

BAKAI корпоративдик социалдык жоопкерчиликтин алкагында борбор калаанын инфраструктурасын жакшыртууга жана тургундардын жашоо сапатын жогорулатууга багытталган долбоорлорду жигердүү ишке ашырууда. Узак мөөнөттүү корпоративдик социалдык жоопкерчилик боюнча кызматташтыктын алкагында BAKAI 2023-жылдан бери борбор калааны өнүктүрүүгө колдоо көрсөтүп келет. “Бишкекжашылкурулуш” муниципалдык ишканасына төмөнкүдөй жардам көрсөтүлдү: • Административдик имараттын сырты оңдолду; • Жыгач калдыктарын от

Маданият, маалымат, спорт жана жаштар саясаты министри канча айлык аларын ачыктады

14-июлда Маданият министри Мирбек Мамбеталиев “Ачык кабинет” жыйынында өзүнүн айлыгынын өлчөмүн ачыктады. "Менин айлыгым — 100 000 сомду түзөт. Бул — мен ай сайын колума алган сумма. Ага бардык кошумча төлөмдөр жана иш тажрыйбасы үчүн үстөк акылар кирет. Ошондой эле мамлекеттик мекемелердеги кызматкерлер үчүн стимулдаштыруу фонду бар, андан биз ай