132 ишкана, 11 миңге жакын жумуш оруну

Экономика жана коммерция министрлигинин өнөр жай башкармалыгынын жетектөөчү адиси Бектур Базылбеков жыл башынан бери өлкөдө 77 өнөр жай ишканасы ачылганын билдирди. 

Алардын 67си Эгемендүүлүк күнүнө карата ачылып, 6 миң 200 жаран иш менен камсыздалган. 

Бул ишканаларга жалпы 334,6 млн доллар жумшалган. Б.Базылбековдун билдиришинче быйыл жалпы  1 млрд 17 млн доллар инвестиция салынган 132 ишкана ачылып, 11 миңге жакын жумуш оруну түзүлөрү күтүлүп жатат.

Былтыр 100дөн ашык ишкана ачылып,  8 315 жумуш оруну түзүлгөн. Экономика министринин өкүлүнун айтымында, ишкерликти каржылоодо, жер тилкесин трансформациялоодо, уруксат кагаздарын алууда жана башка көптөгөн маселелерди чечүүдө министрлик ишкерлерге ар тараптуу колдоолорду көрсөтүп келет.