Н.Орунтаев Кыргызстандын курулуш тармагындагы Кытайдын активдүүлүгүн белгиледи

Курулуш, архитектура жана турак-жай-коммуналдык чарба министри Нурдан Орунтаев Кытайдын Кыргызстандагы элчиси Лю Цзянпин менен жолугуп курулуш тармагындагы маанилүү долбоорлорду ишке ашыруу жана тармакка заманбап технологияларды киргизүү маселелери талкуулаганы маалым болду. 

Н. Орунтаев Кытай менен биргеликте курулуш тармагында бир катар ири долбоорлор ишке ашырылып, инфратүзүмдү жакшыртуу боюнча активдүү иштер жүрүп жатканын ортого салды.

Ошондой эле ал Кытайдын Кыргызстандын курулуш тармагындагы активдүү кызматташтыгы үчүн ыраазычылык билдирди.

Белгилей кетүүчү жагдай, 2025-жылдын башынан тарта эки өлкө ортосунда 23 инвестициялык долбоор каралып, анын 17си Кытайдын улуттук стандарттарына ылайык ишке ашырылууда.