Экономика

Кыргызстан менен Германия экономикалык долбоорлорду талкуулады

Айгерим Качкынбекова

21 окт. 2025 09:28

Министрлер Кабинетинин Төрагасы Адылбек Касымалиев Кыргызстандын Бавария жана Тюрингиядагы Ардактуу башкы консулу, кыргыз-герман Ишкердик кеңешинин герман тарабындагы тең төрагасынын орун басары Райнхольд Крэммел менен жолукту. Бул тууралуу Өкмөттүн басма сөз кызматынан билдиришти.

Жолугушууда тараптар кыргыз-герман кызматташтыгынын учурдагы абалын жана келечегин, ошондой эле 2025-жылдын ноябрында Берлинде өтө турган бизнес-форумга жана Ишкердик кеңештин жыйынына даярдыкты талкуулашты.

Адылбек Касымалиев эки тараптуу экономикалык байланыштардын оң өнүгүшүн белгилеп, Ардактуу консулдар институтунун инвестиция тартуу жана ишкердик байланыштарды кеңейтүүдөгү маанисин баса белгиледи. Ошондой эле Чолпон-Атадагы бизнес-форумдун жыйынтыгында узак мөөнөттүү долбоорлор боюнча меморандумдарга кол коюлганын эске салды.

Тараптар билим берүү жана кадрларды даярдоо тармагындагы кызматташтыкты да талкуулашып, Германиянын тажрыйбасын техникалык жана тейлөө чөйрөлөрүндө колдонуу мүмкүнчүлүктөрүнө токтолушту.

Райнхольд Крэммел өнөр жай, билим берүү, туризм жана HoReCa тармактарында кызматташтыкты кеңейтүүгө даяр экенин билдирди. Ал Германия Кыргызстандын туризм потенциалын колдоого жана адистерди окутууга багытталган программаларды иштеп чыгууга кызыкдар экенин белгиледи.

Жолугушуунун жыйынтыгында Касымалиев кыргыз-герман ишкерлерине активдүү кызматташтык үчүн ыраазычылык билдирип, Кыргыз Республикасы чет элдик инвестицияларга ачык экенин жана инвесторлорго бардык шарттар түзүлөрүн белгиледи.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”