Кыргызстан 7 айда Өзбекстандан 1,2 миң тонна алма импорттоду

2025-жылдын 7 айында  Кыргызстан Өзбекстандан 1,2 миң тоннадан ашык алма импорттогонун “Кабар” маалымат агенттиги жазды. 

Өзбекстандын Статистика комитетинин маалыматына ылайык, ушул мезгил аралыгында өлкө жалпы 22,6 миң тонна алманы 10 мамлекетке экспорттогон. 

Маалыматта белгиленгендей, Өзбекстандын алмасы негизинен Россияга (10 721 тонна) жана Казакстанга (10 098 тонна) жөнөтүлгөн. Кыргызстанга 1 275 тонна, Түркмөнстанга 167,4 тонна, Иракка 164,3 тонна жана башка өлкөлөргө 192,2 тонна алма экспорттолгон.