Кыргызстанда инфляция темпи ылдамдашы мүмкүн
Евразиялык туруктуулук жана өнүгүү фондунун(ЕТӨФ) докладында күйүүчү-майлоочу майлардын (КММ) кымбатташы Кыргызстандагы инфляциянын жогорулашын ылдамдатышы мүмкүн экени жарыяланды.
Фонддун болжолдуу маалыматтары боюнча Кыргызстанда инфляция март айында 6,9%га, июнда 8%га, июлда 8,8%га өскөн.
“Күйүүчү-майлоочу майлардын, айрыкча бензин менен дизелдик майдын баалары июлда 1,9%га жогорулаган. Бензин менен дизелдик майдын 80%ы сырттан, тагыраагы 74%ы Россиядан, 21%ы Казакстандан келет”,-делет докладда.
ЕТӨФтүн ар күн сайын чыгуучу мониторингинде Кыргызстандагы КММнын баасы Россиядагы баалардын өсүшүнө тыгыз байланышканын жана инфляциянын ылдамдашы толук мүмкүн экени көрсөтүлгөн.
