Кыргызстанда эң жогорку көлөмдөгү орточо маяна канча?
МинКаб 2026-жылы киреше салыгы менен камсыздандыруу взносун эсептөө үчүн пайдаланыла турган эмгек акынын бир айлык орточо көлөмүн аныктады.
Маалыматка ылайык, өлкө боюнча орточо маяна 36 миң 47 сомду, а “Кумтөрдү” эске албаганда – 35 миң 97 сомду түзөт.
Орточо айылк көлөмү боюнча жогорку көрсөткүчтөр төмөнкү аймактарда белгиленген:
Бишкекте – 44 миң 74 сом;
Кара-Кулжада (Жалал-Абад облусу) – 50 миң 642 сом;
Чаткал районунда – 55 миң 183 сом;
Жети–Өгүз районунда (Кумтөрдү эске алганда) – 96 миң 813 сом.
Эң аз орточо эмгек акы Талас облусунун Манас районунда белгиленип, ал – 21 миң 738 сомду түзгөн. Ошондой эле Сокулукта орточо айлык – 21 миң 748 сом болгон.
Ал эми Ош, Баткен облустарында орточо маяна – 22 мин 26 сомдун айланасында чыккан. Салыштырмалуу алганда, түндүк облустарда орточо эмгек акы түштүк облустарына салыштырмалуу жогору болгон. Бул мамлекеттик структуралардын, туристтик жана өнөр жай мекемелеринин түндүк тарапта көбүрөөк болушуна байланыштуу.
