Статком 2019–2025-жылдарга карата чейректик улуттук эсептерди жарыялады

Улуттук статистика комитети 2019-жылдан 2025-жылга чейинки чейректик улуттук эсептерди (ЧУЭ) өндүрүш ыкмасы менен эсептөөнү аяктаганын маалымдады. Бул иштер Эл аралык Валюта Фондунун региондук өнүктүрүү борборунун кеңешчиси тарабынан колдоого алынган.

Чейректик улуттук эсептер экономикадагы учурдагы өзгөрүүлөрдүн кыска мөөнөттөгү так сүрөттөлүшүн берет жана жылдык ИДП көрсөткүчтөрүнө караганда өз убагында жана объективдүү маалымат болуп саналат. ЧУЭ жогорку инфляция жана салыштырмалуу баалардын кескин өзгөрүшү шартында өзгөчө мааниге ээ.

Өндүрүш ыкмасы боюнча чейректик ИДП көрсөткүчтөрү чейрек соңунан 90 күндүн ичинде жарыяланат жана Улуттук статистика комитетинин расмий сайтында «Динамикалык таблицалар» бөлүмүндө жеткиликтүү: https://www.stat.gov.kg/ru/statistics/nacionalnye-scheta/