«Келечек» ипотекалык продуктусу аркылуу 52 үй-бүлө турак жайлуу болду

Быйыл май айында жарандардын ипотекалык кредит алууда баштапкы төлөмдү төлөөдө кыйынчылык тарткандарын колдоо максатында, Кепилдик фонд жаңы «Келечек» ипотекалык продуктусун ишке киргизген.

Фонддун маалыматына караганда, 2025-жылдын ноябрь айына карата «Келечек» ипотекалык продуктусу боюнча жалпы суммасы 61,6 млн сомдон ашкан 52 кепилдик берилди. Бул жарандарга 237,6 млн сомдон ашуун суммада ипотекалык кредиттерди алууга мүмкүндүк берди.

«Келечек» продуктысынын негизги шарттары:

• үзгүлтүксүз эмгек же ишкердик ишмердүүлүгү 12 ай болушу керек;

• ипотекалык каржылоонун суммасы — 10 000 000 сомго чейин;

• кепилдиктин көлөмү — сатып алынуучу турак жайдын наркынын 30%ына чейин;

• комиссия — кепилдик суммасынын 2%ын түзөт.