Ош областында “Көкчө-Көз” транспорттук-логистикалык борбору иштей баштады
Кыргызстандын түштүк аймагында "Көкчө-Көз" логистикалык борбору ачылды. Бул тууралуу Россия-кыргыз өнүгүү фондунан маалымдап, Ош облусунун Кара-Суу районунда заманбап "Көкчө-Көз" транспорттук-логистикалык борборунун ийгиликтүү ишке киргизилгендигин жарыялады.
Маалыматка караганда, бул стратегиялык жактан маанилүү долбоор Кыргызстандын түштүк бажы постторунун өткөрүү жөндөмдүүлүгүн бир кыйла жогорулатууга багытталган. 17 гектар аянтты ээлеген Көкчө-Көз борбору күнүнө 700гө чейин жүк ташуучу унааны кабыл ала алат.
РКӨФ бул стратегиялык долбоорго 3,5 миллион доллардан ашык инвестиция салган, ал эми долбоордун жалпы наркы 8 миллион долларды түзөт.
Фонддун башкармасынын төрагасы Артем Новиковдун айтымында, долбоор өлкөнүн экономикалык өнүгүүсүнө олуттуу салым кошот. 100дөн ашык жаңы туруктуу жумуш орундарын түзүп, салыктардан жана бажы алымдарынан түшкөн кирешелердин көбөйүшүнүн натыйжасында аймактын инфраструктурасын жакшырат.
Ал Эркечтам-Ош-Өзбекстан автожолунун боюндагы эң жакын калктуу конуштардан үч чакырым алыстыкта жайгашкандыктан, Оштогу жол тыгынын натыйжалуу түрдө азайтат.
