Россия-Кыргызстан товар жүгүртүүсүн 5 млрд долларга жеткирүү талкууланды
Бишкекте соода-экономикалык, илимий-техникалык жана гуманитардык кызматташтык боюнча кыргыз-россия өкмөттөр аралык комиссиясынын 26-отуруму болду. Ага МинКаб төрагасы Адылбек Касымов жана Россия өкмөтүнүн төрагасынын орун басары Алексей Оверчук катышты.
Тараптар соода, өнөр жай кооперациясы, логистика, энергетика, туризм жана гуманитардык долбоорлор жаатында өз ара кызматташуу маселелерин талкуулашты.
Адылбек Касымалиев Кыргызстан менен Россия стратегиялык өнөктөштүк жана туруктуу саясий ишеним деңгээлин сактап келе жатышканын билдирди.
Буга улай ал Кыргызстандын тышкы соодасында Россиянын үлүшү 22% түзөрүн, а былтыркы жылдын жыйынтыгы боюнча эки өлкө ортосундагы товар жүгүртүү 3,9 млрд доллар болгонун ортого салды. Эки тараптын максаты бул көрсөткүчтү 5 млрд долларга жеткирүү болду.
