Мамлекеттик сатып алуулар боюнча Көз карандысыз комиссиясына кабыл алуу жарыяланды
Финансы министрлигине караштуу Мамлекеттик сатып алуулар департаменти Административдик даттанууларды жана кайрылууларды кароо боюнча Көз карандысыз комиссиянын курамына ачык кабыл алууну жарыялады.
Көз карандысыз комиссия коомчулуктун өкүлдөрүнөн, юристтерден жана мамлекеттик сатып алуулар боюнча сертификаты бар адистерден турат. Көз карандысыз комиссиянын бардык мүчөлөрү мамлекеттик сатып алуулар жаатында сертификатка ээ болушу керек.
Финансы министрлигинин 2023-жылдын 14-ноябрындагы №7-Б буйругу менен бекитилген Даттануулар жана кайрылуулар боюнча көз карандысыз комиссияны тандоо боюнча нускаманын 2-бөлүмүнүн 4-пунктуна ылайык, аталган комиссиянын курамы өзүнө коомчулуктун өкүлдөрүн, мамлекеттик сатып алуулар жаатындагы сертификаты бар адистерди, ошондой эле юриспруденция жаатындагы адистерди камтыган үч топтон турат.
Көз карандысыз комиссиянын курамы 15 мүчөдөн кем эмес болушу керек жана:
3/1и – юриспруденция тармагындагы адистерден;
3/1и – мамлекеттик сатып алуулар боюнча сертификаты бар адистерден;
3/1и – коомчулуктун өкүлдөрүнөн турат.
Нускаманын 8-главасынын 2-пунктуна ылайык, Көз карандысыз комиссиянын мүчөлөрүн жана резервдин курамын тандоо, ошондой эле Көз карандысыз комиссиянын мүчөлөрүнүн иши боюнча отчетторду кароо үчүн мамлекеттик сатып алуулар боюнча ыйгарым укуктуу мамлекеттик орган тарабынан Мамлекеттик сатып алуулар боюнча эксперттик кеңеш түзүлөт.
