Казакстан финансисттеринин XIII конгрессине КРУБ төрагасы катышты

Конгресстин жүрүшүндө ЕАЭБге мүчө мамлекеттердин борбордук банктарынын жетекчилеринин «Экономикалык туруксуздук жана санариптик трансформация шарттарында финансылык системалардын өнүгүүсү» темасында талкуу уюштурулду.

Талкууда КРнын Улуттук банкынын башчысы М.Тургунбаев сөз сүйлөп, учурда жүргүзүлүп жаткан акча-кредит саясаты, төлөм системаларынын өнүгүшү, ошондой эле санарип сомду колдонууга киргизүү келечеги тууралуу маалымат берди.

Өз сөзүндө ал санарип сомду ишке киргизүүдөгү негизги баскычтарды белгилеп, санарип валюта келечекте чыгымдарды кыйла азайтып, эсептешүү мөөнөттөрүн кыскартып жана финансылык операциялардын ачык жүргүзүлүшүн жогорулатуу жагында олуттуу потенциалга ээ экендигин белгиледи.